Moliyaviy barqarorlik departamenti

Aloqa ma’lumotlari

Telefon: 71 212-73-93

Vazifa va funksiyalar

Departamentning vazifalari:

• Tizimli xatarlarni aniqlash;

• Moliya tizimining tizimli xatarlarga bardoshliligini baholash;

• Makroprudensial siyosat yoʻnalishlarini hamda vositalarni ishlab chiqish va qo‘llash.

Departamentning funksiyalari:

• Davriy va tarkibiy tizimli xatarlar, shuningdek iqlim o‘zgarishi bilan bog‘liq xatarlarni ifodalovchi erta ogohlantiruvchi koʻrsatkichlarni shakllantiradi, xatarlar xaritasi, moliyaviy sharoitlar va stress indekslarini hisoblaydi va tahlil qilib boradi;

• Tizimli xatarlarni aniqlash boʻyicha ekonometrik modellarni ishlab chiqadi;

• Makromoliyaviy sharoitlari va tendensiyalarni, boshqa davlatlar markaziy banklarining moliyaviy barqarorlik sharhlarida koʻzda tutilgan xatarlari va kutilmalarini kuzatib boradi;

• Bank va nobank moliya sektorlarini tahlil qiladi, tizimli xatarlarni aniqlash bo‘yicha so‘rovnomalar o‘tkazadi;

• Uy xo‘jaligi sektorini, shuningdek aholi qarz yuki holatini tahlil qiladi, aholi orasida qarz majburiyatlari bo‘yicha so‘rovnomalar o‘tkazadi;

• Korporativ sektorini tahlil qiladi;

• Koʻchmas mulk bozori sektorini tahlil qiladi, uy-joylarning fundamental qiymatini aniqlash boʻyicha modellarni ishlab chiqadi;

• Kapital bozorini tahlil qiladi, xalqaro moliya bozorlaridagi vaziyatni o‘rganib boradi;

• “Moliyaviy barqarorlik sharhi”ni tayyorlaydi va chop etadi;

• Top-down stress-testni amalga oshirish uchun makroiqtisodiy ssenariylarni ishlab chiqadi;

• Makroiqtisodiy shoklarning moliya tizimiga tas’irini bog‘lovchi yordamchi ekonometrik modellarni (satellite models) ishlab chiqadi;

• Moliyaviy barqarorlik koʻrsatkichlarini baholashda ekonometrik modellarini ishlab chiqadi;

• Tizimli xatarlarga bardoshliligini baholash boʻyicha toʻlovga qobiliyatlilik, likvidlik va iqlim stress-testlarini oʻtkazadi;

• Moliya tizimidagi o‘zaro tarqalish xatarlarini baholaydi;

• Makroprudensial buferlar darajasini miqdoriy yondashuvlar orqali belgilash uchun ekonometrik modellarni ishlab chiqadi;

• Makroprudensial siyosat yoʻnalishlarini ishlab chiqadi va uning boshqa makroiqtisodiy siyosat yoʻnalishlari bilan oʻzaro muvofiqligini baholaydi;

• Makroprudensial vositalar, jumladan tizimli xatar buferini ishlab chiqadi, qo‘llaydi va takomillashtirib boradi;

• Makroprudensial kapital buferlar darajasini belgilash boʻyicha asoslar ishlab chiqadi;

• Kontrsiklik kapital buferi darajasini miqdoriy yondashuvlar orqali aniqlash boʻyicha hisob-kitoblarni amalga oshiradi va takliflarni tayyorlaydi.

• Tizimli ahamiyatga ega molik banklarni aniqlash boʻyicha hisob-kitoblarni amalga oshiradi va ularni belgilash bo‘yicha takliflarni tayyorlaydi;

• Makroprudensial vositalar samaradorligini baholaydi;

• Moliyaviy barqarorlik kengashi kotibiyati funksiyalarini bajaradi;

• Makroprudenial siyosat asoslarini takomillashtirish yoʻnalishida tadqiqotlar olib boradi.