Monetar operatsiyalar departamenti

Aloqa ma’lumotlari

Telefon: 71-212-60-85

Vazifa va funksiyalar

Departament vazifalari:

• pul-kredit siyosatining transmissiya mexanizmi va operatsion tizimini rivojlantirish;

• pul-kredit siyosati instrumentlarini, shu jumladan islom moliyasi tamoyillariga asoslangan instrumentlarni takomillashtirish va joriy etish;

• bank tizimi likvidligini prognozlash, boshqarish hamda favqulodda likvidlikni qo‘llab-quvvatlash mexanizmlarini rivojlantirish;

• pul-kredit siyosati operatsiyalari bo‘yicha risklarni boshqarish va garov ta’minoti tizimini takomillashtirish;

• ichki valyuta bozorining barqaror faoliyatini ta’minlash;

• valyuta bozori va pul bozori operatsiyalarini monitoring qilish hamda tahlil qilish;

• moliya bozori infratuzilmasini rivojlantirib borishda ishtirok etish;

• hosila moliyaviy instrumentlar va xedjirlash mexanizmlarini rivojlantirish;

• faoliyati doirasida xalqaro moliya institutlari va boshqa hamkor tashkilotlar bilan hamkorlikni rivojlantirish.

Departament funksiyalari:

• banklararo pul bozorida likvidlik berish va jalb qilish bo‘yicha operatsiyalarni amalga oshirish;

• bank tizimi likvidligini prognozlash va boshqarish, zarurat tug‘ilganda favqulodda qo‘llab-quvvatlash kreditlarini ajratish mexanizmlarini amalga oshirish;

• ichki valyuta bozori operatsiyalarini monitoring qilish, xorijiy valyutaga bo‘lgan talab va taklifni tahlil qilish;

• monetar operatsiyalar, islom moliyasi tamoyillariga asoslangan pul bozori instrumentlari hamda hosila moliyaviy instrumentlar bo‘yicha normativ-huquqiy bazani ishlab chiqish va takomillashtirish;

• moliya bozori infratuzilmasini rivojlantirish, valyuta va foiz xatarlarini boshqarish instrumentlarini joriy etish hamda xalqaro moliya institutlari bilan hamkorlikni amalga oshirish.