Xavfsizlik departamenti

Aloqa ma’lumotlari

Telefon: 71-212-60-47

Vazifa va funksiyalar

Departamentning asosiy vazifalari:

• Markaziy bank obyektlari va tarkibiy bo‘linmalarida binolarida jismoniy xavfsizlikni, kirish-chiqish rejimini hamda muhandislik-texnik qo‘riqlash tizimlarining uzluksiz ishlashini ta’minlash.
• Markaziy bankning axborot tizimlari, axborot resurslari va IT infratuzilmasining axborot va kiberxavfsizligini ta’minlash hamda kiberxavflarni boshqarish.
• Bank tizimida xavfsizlik talablariga rioya etilishini nazorat qilish, normativ-huquqiy bazani takomillashtirish hamda banklar va vakolatli organlar bilan hamkorlikni amalga oshirish.

Departamentning asosiy funksiyalari:

• Markaziy bank obyektlarida kirish-chiqish rejimini tashkil etish va nazorat qilish hamda ruxsatnoma tizimini yuritish.

• Qo‘riqlash, videokuzatuv, yong‘in signalizatsiyasi hamda boshqa muhandislik-texnik xavfsizlik vositalarining joriy etilishi, ekspluatatsiyasi va monitoringini muvofiqlashtirish.

• Axborot tizimlari va tarmoqlarida kirishni boshqarish, axborot aktivlarini himoyalash, zaifliklarni aniqlash va axborot xavfsizligi talablariga rioya etilishini nazorat qilish.

• Kiberinsidentlarni monitoring qilish, tahlil etish va bartaraf etish, SOC faoliyatini rivojlantirish hamda axborot xavfsizligi risklarini baholash va boshqarish.

• Bank tizimida xavfsizlik talablariga rioya etilishini nazorat qilish, monitoring va tahliliy ishlarni amalga oshirish hamda metodik ko‘mak ko‘rsatish.

• Banklar hamda kredit tashkilotlari, toʻlov tashkilotlari, toʻlov tizimlari operatorlari, valyuta birjalari va kredit byurolari obyektlarining Markaziy bank xavfsizlik talablariga muvofiqligi yuzasidan xulosalar berilishi jarayonini muvofiqlashtirish

• Bank tizimida xavfsizlikni ta’minlash sohasidagi normativ-huquqiy hujjatlarni ishlab chiqish va takomillashtirish, xavfsizlik holatini tahlil qilish hamda vakolatli tashkilotlar bilan hamkorlikni amalga oshirish.