Buxoro asrlar davomida Sharq sivilizatsiyasining yuragi, ilm-fanning beqiyos markazi, qit’alar kesishgan savdo yo‘llarining muhim chorrahasi bo‘lgan. Mana shunday zaminda yana bir tarixiy sahifa bitildi. Osiyo xotin-qizlarining ikkinchi forumi mintaqadagi 2,5 milliard ayolning ovozi yangragan, huquqlari, orzulari va imkoniyatlari kun tartibiga chiqarilgan muloqot maydoniga aylandi.
Forumning ayni tarix va zamonaviylik tutashgan nuqtada o‘tkazilishi bejiz emas. Zero, Sharqda ayolning mavqei hamisha nozik va chuqur mazmunga ega bo‘lgan. U nafaqat oilaning ustuni, balki jamiyatning asosi, madaniyatning ko‘zgusi va taraqqiyotning harakatlantiruvchi kuchidir. Bugun esa u iqtisodiyot maydoniga, parlament zallariga, ilm-fan va texnologiya dunyosiga qadam qo‘ymoqda.
Prezidentimiz forum ishtirokchilariga murojaatida ta’kidlaganidek: “Bugun Osiyo qit’asida istiqomat qilayotgan 5 milliardga yaqin aholining qariyb yarmini ayollar tashkil etadi. Biz ularning timsolida nafaqat nafosat sohibalarini, balki mamlakatlarimiz taraqqiyotini jadallashtirish, xalqlar farovonligini yuksaltirish va adolatli dunyoni barpo etish yo‘lidagi ulkan bunyodkor kuchni ko‘ramiz”. Mana shu jumlalarda forumning butun falsafasi mujassam.
Batafsil
