2023 yil 12-13 iyul kunlari Markaziy bankning Komplaens-nazorat va ichki audit deparatmenti xodimlari Gruziya Milliy bankiga tashrifi tashkil etilib, Milliy bankning korrupsiyaga qarshi komplaens-nazorat sohasidagi tajribasi o‘rganildi.
Markaziy bank xodimlari tashrif davomida Gruziya Milliy bankining korrupsiyaga qarshi komplaens-nazorat sohasini tartibga soluvchi normativ-huquqiy hujjatlar shuningdek, manfaatlar to‘qnashuvini boshqarish yo‘nalishida qilingan ishlar, nomzodlarni ishga qabul qilishda ochiqlikni ta’minlash hamda xaridlarni amalga oshirish borasidagi tajribalari bilan tanishdi.
