Mazkur tizim XVJning asosiy axborot-statistik ma’lumotlar tarmog‘i bo‘lib, unda XVJga a’zo 200 ga yaqin mamlakatlarning iqtisodiy, moliyaviy, ijtimoiy va boshqa statistik ma’lumotlari e’lon qilib boriladi. Tizimda joylashtirilgan ma’lumotlar mamlakatlardagi ijtimoiy-iqtisodiy holatni tahlil qilishda xalqaro ekspertlar, moliyaviy institutlar hamda investorlar tomonidan foydalaniladigan muhim manba hisoblanadi.
XVJning “Xalqaro Moliyaviy Statistika” axborot-statistik tizimidagi O‘zbekiston Respublikasi sahifasida mamlakatimiz bo‘yicha muhim ijtimoiy-iqtisodiy statistik ko‘rsatkichlar, shu jumladan Yalpi ichki mahsulot, pul-kredit statistikasi, to‘lov balansi, xalqaro investitsiya pozitsiyasi, mehnat bozori va demografiya ko‘rsatkichlari hamda boshqa statistik ma’lumotlar davriy ravishda e’lon qilib boriladi.
