Respublikaning barcha hududlarida mavjud toʻlov tizimlarining jami 14 270 dona bankomatlari (shundan, 4,7 mingdan ortigʻi “Cash in-cashout recycling” funksiyali) bank infratuzilmalari va aholi gavjum boʻlgan joylarda oʻrnatilgan boʻlib, ularning doimiy naqd pul mablagʻlari bilan taʼminlanishi hamda uzluksiz ishlashi muntazam nazoratga olingan.
Shu bilan birga oʻrnatilgan bankomatlarning ishlashi bank uchun manfaatli ekanligini va ushbu bankomatlar reja-grafikka asosan davriy ravishda profilaktika oʻtkazib borilishini maʼlum qilamiz.
Oʻz navbatida, profilaktika munosabati bilan vaqtincha ishlamaydigan bankomatlar haqida banklar rasmiy kommunikatsiya kanallari orqali (rasmiy sayti va ijtimoiy tarmoqlardagi sahifalarida) xabar qiladi.
