“CitiBank AS”ning vakolatxonasi akkreditatsiya qilindi

O‘zbekiston Respublikasi Markaziy banki tomonidan “CitiBank AS”ning vakolatxonasi akkreditatsiya qilindi.

Vakolatxona mamlakat moliya bozorini o‘rganish va davlat organlari hamda moliya tashkilotlari bilan hamkorlikni kengaytirish maqsadida tashkil etildi.

Ma’lumot uchun: “CitiBank AS”– “CitiBank”ning (AQSH) Turkiya Respublikasidagi sho‘ba banki hisoblanadi. “CitiBank” – yetakchi moliya tashkilotlaridan biri bo’lib, dunyo bo’ylab 180dan ortiq mamlakatlarda chakana, korporativ, investitsion bank xizmatlari hamda aktivlarni boshqarish xizmatlarini taqdim qiladi.