Xalqaro valyuta jamg‘armasi, Yevropa tiklanish va taraqqiyot banki hamda OG Research xalqaro konsalting tashkiloti tavsiyalariga muvofiq Markaziy bank tomonidan 2026-yil 16-iyuldan boshlab Markaziy bankning 7 kunlik obligatsiyalari o‘rniga Markaziy bankning 7 kunlik repo auksionlari bilan likvidlikni jalb qilish amaliyoti yo‘lga qo‘yildi.
Bunda:
- Markaziy bank repo auksionlarida oldi-sotdi predmeti sifatida foydalaniladigan obligatsiyalar narxini daromadlilik egri chizig‘i ma’lumotlaridan kelib chiqib hisoblash;
- obligatsiyaning soʻndirish muddati repo bitimining ikkinchi qismini ijro etish muddatidan kamida 5 kalendar kuni keyin kelish kerakligi bo‘yicha talabni bekor qilish;
- banklar tomonidan repo auksionlarida sotib olingan obligatsiyalarni repo muddati davomida ikkilamchi bozorda muomalasini cheklash amaliyotini bekor qilish;
- Markaziy bank tomonidan banklardagi kutilmagan likvidlik tebranishlarini yumshatish maqsadida “toʻgʻrilash” repo auksionlarini oʻtkazish;
- Markaziy bank obligatsiyalarining chiqarilishi va muomalasi bo‘yicha buxgalteriya hisobini yuritish tartibi joriy qilindi.
Mazkur o‘zgartirishlar bank tizimidagi ortiqcha likvidlilikni yanada samarali boshqarish va pul-kredit siyosati transmissiyasi samaradorligini oshirishga xizmat qiladi.
