Joriy yilning 22-iyun kuni kredit tashkilotlari, kredit byurolari hamda Markaziy bankning tarkibiy bo‘linmalari vakillari ishtirokida Kredit axboroti almashinuvini takomillashtirish yuzasidan tashkil etilgan ishchi guruhning dastlabki yig‘ilishi o‘tkazildi.
Yig‘ilish davomida kredit axborotining shakllanishi va ma’lumotlarning sifat ko‘rsatkichlarini oshirish imkoniyatlari, shuningdek, mavjud
normativ-huquqiy bazani yanada mustahkamlash bo‘yicha ishlab chiqilgan takliflar muhokama qilindi.
Uchrashuv yakunida bildirilgan izohlarni inobatga olgan holda mazkur takliflarni yanada takomillashtirish, shuningdek, ushbu yo‘nalishdagi qo‘shimcha taklif va tashabbuslarni shakllantirish vazifasi belgilandi.
