O'zbekiston Respublikasi Markaziy bankining
2001 yil namunasidagi 5 so`m qiymatidagi tangasi
O'zbekiston Respublikasi Markaziy bankining 2001 yil namunasidagi, qiymati 5 so`m bo'lgan tangasi 2001 yilning 1 sentyabrdan muomalaga kiritilgan.
Tanga po'latdan tayyorlangan, mis-ruh qotishmasi bilan qoplanib, rangi sariq.
Tanga old tomonining chap tarafida uning qiymatini bildiruvchi "5" yirik raqam bilan aks ettirilgan bo'lib, uning tagida "SO'M" deb yozilgan. O'ng tarafda O'zbekiston Respublikasi xaritasi hamda bayrog'ining uchta yo'li ramziy holda tasvirlangan.
Tanganing orqa tomoni markazida O'zbekiston Respublikasining Gerbi tasvirlangan bo'lib, uning atrofida tanganing tashqi aylanasi bo'ylab, "O'ZBEKISTON MARKAZIY BANKI" degan matn yozilgan. Gerbning pastki markaziy qismida tanga chiqarilgan yil - "2001" raqamlari aks ettirilgan.
Tanganing yon tomoni silliq.
