O'zbekiston Respublikasi Markaziy bankining
2004 yil namunasidagi 100 so`m qiymatidagi tangasi
O'zbekiston milliy valyutasining 10 yilligiga bag'ishlab, 100 so'm qiymatidagi tanga pulni muomalaga chiqardi. Tanga po'latdan tayyorlangan oq rangdagi miss-nikel qotishmasi bilan qoplangan.
Tanganing old tomoni (avers) markazida quyosh nurlari taralgan bo'lib, O'zbekiston Respublikasi xaritasi va "100 so'm” yozuvi joylashgan. Bu tasvir 77 dona aylana shaklida terilgan sferik nuqtalar ichiga joylashgan. Tanga burti va sferik nuqtalardan iborat aylana oralig'ida “O'ZBEKISTON MILLIY VALYUTASIGA 10 YIL” degan matn joylashgan.
Tanganing orqa (revers) tomoni markazida O'zbekiston Respublikasining Gerbi aks ettirilgan bo'lib, uning atrofida “O"ZBEKISTON MARKAZIY BANKI” degan yozuv joylashgan va ikki sferik nuqta oralig'ida tanga chiqarilgan yil "2004" yozuvi bor.
Tanga gurtiga (qirrasi) “O’ZBEKISTON MARKAZIY BANKI” degan yozuv va musammas belgisi tushirilgan.
Tanganing diametri - 27,1 mm.ni, qalinligi - 1,8 mm.ni, og'irligi - 8,0 gr.ni tashkil etadi.
