Ўзбекистон Республикаси мустақиллигининг 10 йиллиги
(Футбол)
Мазкур кумуш танга 2001 йилда Ўзбекистон Республикаси мустақиллигининг 10 йиллигига бағишлаб зарб этилган.
Танганинг олд томони марказида футбол майдони ва футболчи тасвирланган. Тасвирнинг пастки қисмида танга қийматини кўрсатувчи "100" рақами, унинг тагида эса валюта номи "SOʻM" мавжуд. Тасвир атрофида "OʻZBEKISTON MUSTAQILLIGINING 10 YILLIGI" деган матн бор.
Танганинг орқа томонида Ўзбекистон Республикаси герби тасвирланган бўлиб, унинг атрофида "OʻZBEKISTON MARKAZIY BANKI" ёзуви бор. Герб тасвирининг тагида танга чиқарилган йил - "2001" акс эттирилган. Ушбу рақамнинг чап томонида металл ва асиллик даражасини билдирувчи "Аg 999,9", унинг ўнг томонида эса металлнинг оғирлиги "31,1 gr" кўрсатилган.
Танганинг олди ва орқа томонлари ташқи айланалари бўйлаб мунчоқ шаклидаги нақш туширилган.
Танганинг ён томони нотекис. Диаметри – 38,0 мм. Оғирлиги – 31,1 гр.
- Metal turi: Серебряные монеты
- Og’irlik: 31,1
- Qiymat: 100
- Asillik darajsi: 999,9
- Sifati: PROOF
