Аlisher Navoiy tavalludining 580 yilligi (“Xamsa” asari asosida tayyorlangan oltin suvenirlar toʼplami)

Mazkur oltin suvenir toʼplami 2021 yilda Аlisher Navoiy tavalludining 580 yilligiga bagʼishlab zarb etilgan.

Toʼplamning har bir suveniri old tomoni (avers qismi) markazlarida “Xamsa” asarining beshta dostonidan biriga ishlangan tasvir aks etirilgan. Barcha suvenirlarning yuqori qismida yarim aylana shaklida “ALISHER NAVOIY TAVALLUDINING 580 YILLIGI” yozuvi hamda pastki qismida “Xamsa” asarining tegishli dostoniga mos keladigan “HAYRAT-UL-ABROR”, “FARHOD VA SHIRIN”, “LAYLI VA MAJNUN”, “SABAI SAYYOR”, “SADDI ISKANDARIY” yozuvlari mavjud.

Suvenir toʼplamning orqa tomoni (revers qismi) markazida kitob qoʼyilgan lavh tasvirlangan boʼlib, uning chap qismida metall va asillik darajasi “Au 999,9”, oʼng qismida ogʼirligini bildiruvchi “20 gr” hamda pastki qismida suvenir chiqarilgan yil “2021” koʼrsatilgan. Tasvirning atrofida milliy uslubdagi naqsh bezagi tushirilgan.

Suvenir toʼplamning yon tomoni notekis.