O‘zbekiston Respublikasi Markaziy banki “Tizimli ahamiyatga molik banklarni aniqlash tartibi to‘g‘risida”gi nizomga asosan 2026-yil uchun tizimli ahamiyatga molik banklar ro‘yxatini tasdiqladi.
Tizimli ahamiyatga molik banklar quyidagi mezonlar asosida aniqlandi:
- aktiv va majburiyatlar hajmi;
- bank tizimi ishtirokchilari bilan o‘zaro bog‘liqligi;
- qamrov;
- bank operatsiyalari murakkabligi.
Hisob-kitob natijalariga ko‘ra, Bank nazorati qo‘mitasi tomonidan quyidagi banklar 2026-yil uchun mahalliy tizimli ahamiyatga molik banklar sifatida belgilanmoqda:
1. “O‘zmilliybank” AJ
2. “Agrobank” ATB
3. “O‘zsanoatqurilishbank” ATB
4. AT “Xalq banki”
5. “Ipoteka-bank” ATIB
6. “Kapitalbank” ATB
7. “Asakabank” AJ
2025 yil 1 oktabr holatiga tizimli ahamiyatga molik banklarning O‘zbekiston bank tizimi aktivlaridagi ulushi 64 foizni tashkil etmoqda.
