25 fevral kuni Markaziy bankda Osiyo taraqqiyot banki delegatsiyasi a’zolari bilan uchrashuv o‘tkazildi.
Uchrashuvda Iqtisodiy boshqaruvni yaxshilash dasturi (IBYAD) doirasida makroiqtisodiy boshqaruv va moliya sohasini isloh qilish, bank tizimining normativ-huquqiy bazasini muvofiqlashtirish masalalari muhokama qilindi.
Bundan tashqari, uchrashuv davomida bank tizimini rivojlantirishda o‘zaro hamkorlikni kengaytirish, banklar bilan mavjud loyihalarni monitoring qilish va amalga oshirish, shuningdek, davlat banklarini xususiylashtirish va bu borada kelgusida amalga oshiriladigan ishlar yuzasidan o‘zaro fikr almashildi.