Markaziy bank tomonidan mikromoliya tashkilotlari faoliyatini mikromoliya banki faoliyatiga oʻzgartirish tartibi boʻyicha “Zoom” platformasi orqali bozor ishtirokchilari uchun davra suhbati tashkil etildi. Uchrashuvda Osiyo Taraqqiyot Banki vakillari, mikromoliya tashkilotlari taʼsischilari va ijro etuvchi direktorlardan iborat 100 dan ortiq ishtirokchilar qatnashdi.
Unda, Markaziy bank tomonidan mikromoliya tashkilotlari faoliyatini mikromoliya banki faoliyatiga oʻzgartirish tartibi va qonunchilik asoslari, xususan mikromoliya banki faoliyatini tartibga solishda belgilangan talablar, mikromoliya banklarini tashkil etish tartiblari va litsenziya olish bosqichlari boʻyicha maʼlumotlar berildi.
Tadbir soʻnggida bu kabi amaliy seminarlar kelgusida bozor ishtirokchilarining takliflari asosida tematik tarzda tashkil etilishiga kelishib olindi.
Mikromoliya tashkilotlari faoliyatini mikromoliya banki faoliyatiga oʻzgartirish tartibi mavzusida davra suhbati oʻtkazildi
Yangilangan sana: 15 Okt 2025, 11:34
