Markaziy bank barcha tijorat banklariga bank xizmatlarida adolatsiz va insofsiz amaliyotlarga chek qo‘yish bo'yicha navbatdagi talabnomani yubordi.

Tahlillar shuni ko‘rsatdiki, ayrim banklar mobil ilovalarda:
 • iste’molchining faqat bitta xizmatdan foydalanish istagiga qaramay, “bosh oferta” orqali bir nechta xizmatlarga majburan rozilik olish,
 • kredit kartasi muddati o‘tganda kartani avtomatik bloklash va tushgan mablag‘dan asoslanmagan komissiya undirish kabi amaliyotlarni qo‘llab kelmoqda.  

Bunday holatlar adolat va oqilona yondashuv tamoyillariga zid bo‘lib, qonunchilikda belgilangan iste’molchi huquqlarining buzilishiga olib keladi. Markaziy bank ushbu amaliyotlarni mazmunan insofsiz amaliyot deb baholaydi.  

Shu munosabat bilan Markaziy bank barcha tijorat banklaridan talab qiladi:
 • ofertalarni faqat tanlangan xizmat doirasida, aniq va oshkora taqdim etish;
 • ustun muzokara kuchini suiiste’mol qilmaslik;
 • komissiyalarni belgilashda: adolat va shaffoflik tamoyillariga qat’iy amal qilish.  

Batafsil