2022 yilning 17 mart kuni Oʼzbekiston Respublikasi Oliy Majlisi Senati tomonidan “Nobank kredit tashkilotlari va mikromoliyalashtirish faoliyati toʼgʼrisida”gi qonun maʼqullandi.
Qonunda nobank kredit tashkilotlarini tashkil etish va faoliyatini boshlash tartibi, ularga ruxsat etilgan va taqiqlangan faoliyat turlari, mikromoliya tashkilotlari va lombardlar xizmatlari isteʼmolchilarining huquqlarini himoya qilish asoslari, shuningdek, nobank kredit tashkilotlarini tartibga solish va nazorat qilish tizimi nazarda tutilmoqda.
Umuman olganda qonunda nobank kredit tashkilotlarining shakllanishi va rivojlanishi uchun qulay shart-sharoitlar yaratish belgilangan.
Mazkur qonun Oʼzbekiston Respublikasi Prezidenti tomonidan imzolanganidan soʼng kuchga kiradi.
“Nobank kredit tashkilotlari va mikromoliyalashtirish faoliyati toʼgʼrisida”gi qonun maʼqullandi
Yangilangan sana:
17 Mar 2022, 16:50
