“Yangi Oʼzbekiston” va “Navroʼz” mavzulariga bagʼishlangan Markaziy bankning oltin va kumush esdalik tangalari sotuvi yoʼlga qoʼyilmoqda

Markaziy bank tomonidan joriy yilning 30 martidan boshlab “Yangi Oʼzbekiston” va “Navroʼz” mavzulariga bagʼishlangan oltindan tayyorlangan 15 va 20 gramm ogʼirlikdagi hamda kumushdan tayyorlangan  31,1 gramm ogʼirlikdagi esdalik tangalari sotuvga chiqarilmoqda.

Mazkur esdalik tangalari ularning texnik xususiyatlarini tasdiqlovchi asillik sertifikatlari bilan sotuvga chiqariladi.

Oltin va kumush esdalik tangalarini tijorat banklarining filiallarida naqd va naqd pulsiz hisob-kitoblar asosida sotib olish mumkin.
 
Esdalik tangalari sotuvi yoʼlga qoʼyilgan tijorat banklari filiallarida belgilangan tartibda qaytarib sotib olish amalga oshiriladi.