O‘zbekiston Respublikasi Markaziy banki va Koreya banki o‘rtasidagi o‘zaro bilimlar almashinuvi dasturi (Knowledge Partnership Program – KPP) doirasidagi navbatdagi qo‘shma tadqiqot yuzasidan ikki tomonlama kelishuv imzolandi.
Dasturning birinchi bosqichida Koreya banki vakillari va Koreyaning Osiyo tadqiqotlar markazi (ARC) professorlari ishtirokida tadqiqot seminari o‘tkazilib, unda:
– Markaziy bankning operatsion mexanizmini mustahkamlashda suzuvchi foiz stavkali instrumentlarning roli;
– mazkur instrumentlarning moliyaviy barqarorlikka ta’siri;
– tashqi shoklar sharoitida pul-kredit siyosati transmission mexanizmining empirik tahlili;
– suzuvchi foiz stavkali instrumentlar orqali amalga oshiriladigan operatsiyalar hajmining oshishi sharoitida pul-kredit siyosati transmission kanallarini tahlil qilish yuzasidan taqdimotlar o‘tkazildi va tajriba almashildi.
Tashrifning ikkinchi bosqichida qo‘shma tadqiqot guruhi a’zolari – Markaziy bank xodimlari, Koreya banki vakillari va Osiyo tadqiqotlar markazi professorlari bilan birgalikda tadqiqot savollari, tahlillarda qo‘llaniladigan ma’lumotlar qamrovi hamda tadqiqotni samarali yakunlash uchun istiqboldagi zaruriy chora-tadbirlar muhokama qilindi.
