Jarayonlarni qayta tashkil qilish boshqarmasi Mutaxassis

Talablar

• Xalqaro va milliy sertifikatlarning mavjudligiga ustuvorlik beriladi.
• Davlat tilini mukammal bilishi, barcha xat-hujjatlarni kirill va lotin alifbosida orfografik va grammatik xatolarsiz yoza olishi lozim.
• O'zbekiston Respublikasining Konstitutsiyasi, "O'zbekiston Respublikasining Markaziy banki to'g'risida"gi, "Banklar va bank faoliyati to'g'risida"gi hamda bank tizimiga doir boshqa turdagi qaror va farmonlardan xabardor bo'lish lozim.
• MS Office (Word, Excel, Power Point, Outlook) dasturlarida erkin ishlay olishi lozim.
• Mas'uliyatli hamda jamoa bilan ishlay olishi, yangiliklarga intiluvchan, o'z ustida ishlay olishi lozim.
• Menejment, iqtisodiyot, moliya, biznes boshqaruvi, axborot texnologiyalari, yurisprudensiya, davlat boshqaruvi yoki boshqa tegishli yo‘nalishlar bo‘yicha bakalavr darajasiga ega bo‘lishi.
• Ish tajribasi talab etilmaydi.
• Rus tili B1, ingliz tili A2 darajasida talab etiladi.
• Lavozimga oid texnik va tashkiliy bilimlar: Jarayonlarni tavsiflash, tahlil qilish, optimallashtirish va hujjatlashtirish asoslari; Jarayonlarning joriy va maqsadli holatini tavsiflash va modellashtirish asoslari; Jarayonlarni takomillashtirish bo‘yicha yo‘l xaritalari ijrosini yuritish tartibi; BPM, BPMN, ARIS va boshqa jarayonlarni modellashtirish vositalari asoslari; Jarayonlarni avtomatlashtirish va raqamlashtirish bo‘yicha asosiy tushunchalar; Ma’lumotnomalar, jadvallar, xulosalar va takliflar tayyorlash tartibi.
• Loyihalar tahlil dasturlarida (Jira, Confluence, Trello va b.) bo‘yicha asosiy tushunchalar ega boʻlish;

Ish vazifalari

• Markaziy bankda mavjud ish jarayonlari bo‘yicha ma’lumotlarni yig‘ish, umumlashtirish va dastlabki tahlil qilishda ishtirok etish;
• Jarayonlardagi takrorlanuvchi, ortiqcha, samarasiz va qo‘shimcha resurs talab qiluvchi amaliyotlarni aniqlash bo‘yicha materiallar tayyorlashda qatnashish;
• Jarayonlarni optimallashtirish, standartlashtirish va maqsadli holatga o‘tkazish bo‘yicha topshiriqlarni bajarish;
• Maqsadli jarayonlarni joriy etishga qaratilgan loyihalar bo‘yicha zarur ma’lumotlarni yig‘ish va umumlashtirish;
• Jarayonlarni takomillashtirish bo‘yicha yo‘l xaritalari ijrosi yuzasidan ma’lumotlarni yig‘ish;
• Jarayon tahlili asosida avtomatlashtirish va raqamlashtirish imkoniyatlari bo‘yicha ma’lumotlar tayyorlashda ishtirok etish;
• Jarayonlarning joriy va maqsadli holatlarini tavsiflash va modellashtirish ishlarida qatnashish;
• ARIS va boshqa qo‘llaniladigan axborot tizimlarida jarayonga oid hujjatlar va ma’lumotlarni kiritishda ishtirok etish
• Jarayonlarni optimallashtirish bo‘yicha aniqlangan kamchiliklar yuzasidan ma’lumotlar tayyorlash;
• Xizmat rahbari va boshqarma boshlig‘i topshiriqlarini o‘z vaqtida va sifatli bajarish.