Faktoring bozori xizmatlari sharhi 2025-yil yakuni bo‘yicha

2025-yilda O‘zbekistonda faktoring xizmatlari hajmi 9,5 trillion so‘mni tashkil etdi.
Shundan:

• 93% tijorat banklari, 7% mikromoliya tashkilotlari hissasiga to‘g‘ri keladi.
• 46% faktoring operatsiyalari raqamli platformalarda amalga oshirildi, shundan 58% “Ozplanet” va 42% “Finmakon” platformalari hissasiga to‘g‘ri keladi.
• 2024-yilda faktoring xizmatlari boʻyicha eng yuqori koʻrsatkich dekabr oyida 630 mlrd soʻmni tashkil etgan boʻlsa, mazkur ko‘rsatkich 2025-yil dekabr oyida ikki barobar o‘sib, 1,2 trln soʻmga yetdi.

Muddati bo‘yicha:

• 30 kungacha bo‘lgan faktoring xizmatlari hajmi 2,2 trillion so‘m
• 31–60 kunlik operatsiyalar 1,9 trillion so‘m
• 61–90 kunlik bitimlar 3,6 trillion so‘m
• 91–120 kunlik faktoring 0,7 trillion so‘m
• 121–180 kunlik operatsiyalar esa 1 trillion so‘m miqdorida qayd etildi.

Mijozlarning tashkiliy shakli bo‘yicha ulush taqsimoti:

• mas’uliyati cheklangan jamiyatlar jami hajmning 65,4 foizi
• aksiyadorlik jamiyatlari 19 foiz, 
• xorijiy investitsiya ishtirokidagi korxonalar 13,3 foiz, 
• xususiy va oilaviy tadbirkorlik subyektlari 2,3 foiz ulushni egalladi.

Xalqaro faktoring hajmi 642 mlrd so‘mni tashkil etdi. Xalqaro faktoring xizmatlari 
Tojikiston (39%), Rossiya (33,7%), Qozog‘iston (10,3%), Qirg‘iziston (9,9%), 
shuningdek,
Belarus, Polsha, BAA, Buyuk Britaniya, AQSh, Italiya va Shveysariya davlatlari hissasiga to‘g‘ri kelgan.

Sharhning qisqa tavsifi bilan havola orqali tanishing
To‘liq sharh bilan havola orqali tanishing.