O‘zbekiston Respublikasi Markaziy banki raisi Timur Ishmetov tomonidan aholi va tadbirkorlik subyektlari uchun qabul o‘tkazildi.
Qabul davomida fuqarolar va tadbirkorlik subyektlarining bank xizmatlari bilan bog‘liq murojaatlari, jumladan, sud hujjatlari ijrosi, garov ta’minotini chiqarish hamda kredit majburiyatlari shartlarini qayta ko‘rib chiqish masalalari muhokama qilindi. Xususan, tadbirkorlik subyekti tomonidan sudning qonuniy kuchga kirgan qarori asosida garov ta’minotini chiqarish masalasi ko‘tarildi. Shuningdek, fuqaro tomonidan shaxsiy va moliyaviy holatidan kelib chiqib, avtokredit bo‘yicha to‘lov muddatlarini qayta ko‘rib chiqishda amaliy ko‘mak so‘raldi. Har bir murojaat batafsil eshitilib, ularda ko‘tarilgan masalalarni qonunchilik talablari va amaldagi tartiblar asosida qo‘shimcha o‘rganish bo‘yicha tegishli topshiriqlar berildi.
