O‘zbekiston Respublikasi Markaziy banki va Singapur Monetar boshqarmasi (MAS) vakillari zaxiralarni boshqarish va unga bog‘liq operatsion funksiyalar, jumladan, naqd pul emissiyasi hamda oltinni saqlash masalalarini muhokama qildi.
Uchrashuv davomida MAS vakillari investitsiya portfelini boshqarish bo‘yicha amaliy yondashuvlari bilan o‘rtoqlashdilar. Xususan, “middle-office” va “back-office” funksiyalarini o‘z ichiga olgan zaxiralarni boshqarish faoliyatining tashkil etilishi haqida ma’lumot berildi.
Uchrashuv yakunida tomonlar zaxiralarni boshqarish, operatsion jarayonlarni samarali tashkil etish, naqd pul emissiyasi hamda oltinni saqlash yo‘nalishlarida tajriba almashish muhimligini qayd etdilar.
