Markaziy bank tomonidan 2026–2030-yillarga moʻljallangan Kichik va oʻrta biznesni qoʻllab-quvvatlash konsepsiyasi ishlab chiqildi. Hujjat kichik va oʻrta biznesni moliyalashtirish va qoʻllab-quvvatlash tizimini rivojlantirish boʻyicha yondashuvni belgilaydi.
Markaziy bank oʻz vakolatlari doirasida Konsepsiyada nazarda tutilgan tashabbuslarni amalga oshirish orqali mamlakatda kichik va oʻrta biznesni rivojlantirishga oʻz hissasini qoʻshadi.
Konsepsiya institutsional, infratuzilmaviy va moliyaviy mahsulotlarni rivojlantirish yoʻnalishidagi jami 25 ta tashabbusni oʻz ichiga oladi.
Mazkur hujjat moliyaviy va narxlar barqarorligini saqlagan holda bozor tamoyillari, raqamli maʼlumotlar va raqobatga asoslangan kichik va oʻrta biznesni qoʻllab-quvvatlash tizimini shakllantirishga xizmat qiladi. Konsepsiya bozor ishtirokchilari va ekspertlar bilan muhokama qilinib boriladi hamda har yili takomillashtiriladi.
Konsepsiya qisqa tavsifi bilan quyidagi havola orqali tanishing.
Konsepsiyaning to'liq shakli bilan quyidagi havola orqali tanishing.
