Samarqand şahrida öz işini boşlagan xalqaro islomiy moliya forumi doirasida 26-oktabr kuni bank mutaxassislarining kasbiy salohiyatini oşiriş hamda ilğor xorijiy tajribani örganişga qaratilgan mahorat darslari (master-klasslar) ötkazildi.
Maşğulotlar dasturi “ISRA Associates” va “Al Muamalat Consulting” MÇJ tomonidan tayyorlangan bölib, unda islomiy moliya sohasida tajribaga ega mutaxassislar öz bilim va amaliy tajribalari bilan örtoqlaşdi.
Öquv maşğulotlarida islomiy moliya standartlariga muvofiqlikni taʼminlaş, korporativ boşqaruv, şariat auditi, tavakkalçiliklarni boşqariş va içki nazorat mexanizmlarini takomillaştiriş masalalari körib çiqildi.
Maşğulotlar nazariy maʼruzalar bilan bir qatorda, amaliy vaziyatlar tahlili, moliyaviy mahsulotlar böyiça operatsiyalar ketma-ketligini örganiş va guruh muhokamalari asosida taşkil etildi.
Samarqand islomiy moliya forumida esa mahalliy va xorijiy ekspertlar iştirokida islomiy moliyani rivojlantirişning dolzarb masalalari, tartibga soliş yondaşuvlari, moliyaviy infratuzilmani takomillaştiriş hamda istiqbolli hamkorlik yönalişlari muhokama qilinadi.










