Ishonch telefonlari
Markaziy bankning ishonch telefoni
dushanba – juma, 9:00 – 18:00
tushlik: 13:00 – 14:00
Toshkent shahri: 71 200-00-44
Respublika hududlari: 0 800 200-00-44
Mobil telefoni orqali: (+998 71) 200-00-44
Tijorat banklaridagi omonatlarga pul qo‘yuvchi jismoniy shaxslarning banklardagi depozit hisobvaraqlaridagi mablag‘larini sir saqlanishini ishonchli kafolatlash maqsadida O‘zbekiston Respublikasi Prezidentining 2008 yil 20 fevralda "Tijorat banklarida aholi omonatlari shartlarini liberallashtirish hamda kafolatlarini ta’minlashga doir qo‘shimcha chora-tadbirlar to‘g‘risida”gi Farmoni qabul qilindi.
Mazkur Farmonga asosan depozit hisobvaraqlariga, jumladan, taqdim etuvchining depozitlariga milliy va xorijiy valyutadagi pul mablag‘larini qo‘yish istagida bo‘lgan jismoniy shaxslar istalgan tijorat bankiga murojaat qilishlari mumkin.
Farmon talablari ijrosini ta’minlash maqsadida respublikada faoliyat ko‘rsatayotgan barcha tijorat banklarida "Ishonch telefonlari” tashkil etildi.
Fuqarolar omonat masalasida biror muammoga duch keladigan bo‘lsa, haftaning ish kunlarida soat 9:00 dan 18:00 gacha quyidagi "Ishonch telefonlari”ga murojaat etishlari mumkin.
